Drenthe

Veurof 
1. Bestuur 
2. Wonen warken en leren 
3. Landbouw, natuur, milieu en energie 
4. Verkeer en vervoer 
5. Cultuur, kunst, media en sport 
6. Zörg en welzijn 
7. In 't kort

De SP is der niet gerust op dat het allemaol goed giet in de zörg. Zeker in Drenthe komt aal meer oldern. An de iene kaant hej dan meer zörg neudig, maor an de aandere kaant wordt het tekört an warkers in de zörg aal groter. Maor de burgers van Drenthe hebt vanzölf recht op zörg. De provincie mot helpen as ’t maor ienigszins kan.

Dat der minder mèensen in oeze provincie woont - de krimp - mag gien achteroetgang in leefbaorheid betieken. Der moet goeie plannen kommen veur antrekkelijke darpen en woonwieken.
Der bint vanzölf gien garanties daj gelukkig opgruit, maor de provincie kan der wal veur zörgen dat de jeugdhulp goed wark levert as der preblemen bint. De anpak mot makkelk toegankelijk weden en veurkommen is beter as achterof ingriepen.

BELANGRIEKE PUNTEN VOOR ZÖRG EN WELZIJN:

• De provincie döt een underzuuk of der een mobiel zörgbureau kommen kan, waor een consultaotsiebureau veur jongern en oldern underdak in kreg..

• Elkenien in Drenthe mot makkelk naor de hoesartskunnen; gien stoere toestanden, gien grote ofstanden. As ’t neudig is understeunt de provincie hoesartsen.

• Der blef een goeie ambulancedienst. De provincie is de waokhond die der op let dat de anrietieden niet overschreden wordt.

• De provincie let scharp op dat de oetvoering vanWMO goed giet.

• Der komt meer plekken in de jeugdzörg, dat jongern niet meer huuft te wachten as ze hulp neudig bint. De provincie zörgt derveur dat de kwaliteit van de jeugdzörg goed bewaokt wordt.

• De provincie blef Zorgbelang Drenthe met geld helpen. Een onofhankelijke patiëntenorganisaotsie is slim belangriek.

• As gemientes niet genog geld hebt um goedwelzijnswark in de bienen te holden, mot de provincie helpen met kennis, menskracht en geld.

*WMO: Wet Maatschappelijke Ondersteuning