veurof
Veurof
1. Bestuur
2. Wonen warken en leren
3. Landbouw, natuur, milieu en energie
4. Verkeer en vervoer
5. Cultuur, kunst, media en sport
6. Zörg en welzijn
7. In 't kort
Van 2007 of zit de SP in de Provinciaole Staoten van Drenthe. Bij alles is de SP de partij die kek naor de drei dinger die ze het allerbelangriekste vindt: mèenselijke weerdigheid, geliekweerdigheid van elkenien en solidariteit tussen mèensen.
In hiel wat plaotsen in Drenthe bint de leden van de SP haard an ’t waark en dat doet ze saomen met het volk dat wij oeze steun geeft. Wij wilt weten wat er speult in Drenthe. In oes begunselpregram ‘Heel de mens’ staot de tien kerndinger op basis waorvan de SP naor de saomenleving kek. Wij bint en blieft een actieve en praktische partij die zeg waor ’t op stiet.
“DIE GRUIT DE SPINNEWEBBEN NIET VEUR DE MOND”.
Op 2 meert 2011 kuj de neie leden van de Provinciaole Staoten kiezen. Twei maond laoter, op 23 mei, kiest de neie Staotenleden een neie Eerste Kamer.
Het wark dat de staotenleden en het daogelijks bestuur - de gedippeteerden - doet, zöt het volk vaok niet. Toch hef de provincie een bult geld under zien beheer. Veur paartie (wettelijke) taoken kreg de provincie geld van het Riek, bijveurbield veur beheer en underhold van (vaor)wegen, jeugdzörg, plattelandsontwikkeling, bodemsanering, milieubeleid, regionaole umroep, openbaor vervoer en het veur mekaor kriegen van de ‘Ecologische Hoofdstructuur’. Via de motorrietugenbelasting komt de provincie an geld; tot veur kört kreeg e aal jaor dividend oetkeerd over de andielen in Essent.
Undertussen is Essent verkocht, hew een economische crisis over oes hen kregen en zöt de toekomst der hiel aans oet. Der giet de kommende jaoren hiel wat veraandern en de provincies moet stief naodenken over wat wal kan en wat niet meer te doen valt. Daor wordt nog helderop over proot. In oes pregram ‘Spotlocht op Drenthe’ vertel wij je meer over de keuzes die de SP maoken wil.
In de Drèentse ofdielings is dit pregram beproot en wieder hebt deskundigen der naor keken. De provinciaole vergaodering van de SP hef dit verkiezingspregram vaststeld. Je kunt het in het Nederlands én in het Drèents lezen op www.drenthe.sp.nl
*Veur oes begunselpregram “Heel de Mens” kiek op:www.sp.nl/partij/theorie/kernvisie/heel_de_mens.pdf