Drenthe

Veurof 
1. Bestuur 
2. Wonen warken en leren 
3. Landbouw, natuur, milieu en energie 
4. Verkeer en vervoer 
5. Cultuur, kunst, media en sport 
6. Zörg en welzijn 
7. In 't kort

Aw naor de economie kiekt, mot er nog hiel wat gebeuren in Drenthe. Hier is nog altied te min wark, maor in de gezondheidszörg verwacht ze een groot tekört an personeel en in de recreatie kunt ok veul lu an ’t wark. In aandere bedriefstakken gaot er aalgedurig weer bedrieven dicht.

De provincie mot er de kommende jaoren alles an doen um het bestaonde wark te holden en te zörgen veur neie warkgelegenheid. Dat elkenien die warken wil daor ok de kaans veur kreg.

BELANGRIEKE PUNTEN VEUR WONEN, WARKEN EN LEREN:

• Bij anbesteding van wark deur de provincie mot een eerlijke kans geven worden an mèensen die stoer an ’t wark komt as gevolg van een handicap of een chronische ziekte. Dat geldt ok veur stageplaotsen.

• Ok al hef het riek bezunigings oplegd, de provincie mot deurgaon met het investeringspregrampublieke warken.

• De provincie giet kieken of der in Drenthe genog opleidingsplaotsen veur de gezondheidszörg kommen kunt, dat over niet al te lange tied honderden warknimmers in de gezondheidszörg an ’t wark kunt.

• Drenthe mot het MKB* helpen, bijveurbeeld deur collectieve regelingen, innovatiesubsidies, schoeling en advies.

• De provincie komt met een regeling, dat studerenden in het mbo recht hebt op gratis OV*as ze meer as 15 km van heur schoel of woont.

• Het toeristisch beleid in Drenthe mot starker maokt worden. De VVV’s moet vanneis in de bienen bracht worden. Het mot de toerist goed dudelk worden wat Drenthe echt te bieden hef. Mèensen met een camper moet op veul meer plekken staon kunnen. Drenthe is niet allén fietsprovincie, maor die moew ok maoken tot wandel-, camper- en peerdrieprovincie.

• Het toeristisch beleid kan het plattelaand vanzölf verstarken, maor mag niet ten koste gaon van Natura 2000 of EHS-gebieden. Ok de leefbaorheid mag niet under druk kommen deur bijveurbeeld overlast of financiële risico’s. Drenthe kös veur kleinschaolig toerisme, dat past in het gehiel.

• Van de miljarden euro’s an belastingeld die Europa under zien beheer hef, mag ok gerust een diel in Drenthe te laande kommen. De provincie zörgt er daorum veur dat der een Europa-loket is en komt met prejecten die met Europees geld betaald wordt.

• De SP döt zien best veur een leefbaor plattelaand. Wij wilt een plattelaandseconomie die livvendig en veulsoortig is en waor ok kleinere en duurzaome undernimmers kansen kriegt. Veurzienings as winkels, schoelen, buslienen en pinautomaoten moet der blieven.

• De provincie mot er zien best veur doen dat der in de gemientes genog betaolbaore hoezen bint en dat der zoneudig meer komt.

• Bij neibouwplannen mot - bij het bepaolen van het tal an hoezen in de sociaole woningbouw - veul beter keken worden naor de echte behoefte an hoezen. As hoezen op de schup moet, kuj beter renoveren as slopen. De gemiente mot hier goed acht op geven as ze gemientelijke bestemmingsplannen beoordielt.

• Drenthe wil duurzaomheid. Under andern deur isolaotsie van hoezen, zun- en windenergie en biomassa. Dit kan hiel wat wark oplevern.

• Drenthe wil der gien industrieterreinen bij, maor giet er eerst veur zörgen dat leegstaonde gebouwen weer gebroekt wordt.

*MKB: Midden en Klein Bedrijf 
*OV: Openbaar Vervoer