Drenthe

Veurof 
1. Bestuur 
2. Wonen warken en leren 
3. Landbouw, natuur, milieu en energie 
4. Verkeer en vervoer 
5. Cultuur, kunst, media en sport 
6. Zörg en welzijn 
7. In 't kort

Drenthe is in veul opzichten biezunder. Der bint archeologische vondsten oet de prehistorie. Botten van mammoeten, kampen van Neanderthalers, celtic fields, hunebedden; zie spreekt allemaol tot oeze verbeelding. Maor der is te weinig andacht veur unieke vindplaotsen. 

Monumenten in Drenthe moet bescharmd worden.
Wieder is Drenthe riek an schouwburgen en museums. Op het gebied van de beeldende kunst hew hiel wat talenten. Muzikanten timmert al zo wied aw achteroetkieken kunt an de weg. De Drentse taol is ok uniek. De SP vindt daw zunig op dit alles weden moet en daw het under de andacht van het pebliek brengen moet.
De SP is veurstander van sport waor alleman an metdoen kan. De provincie mot niet veuran lopen as het giet um het steunen van topsport, zeker niet as het um sporten giet waor het veural um commercie giet.
RTV Drenthe is onmisbaor veur het regionaole neis.

BELANGRIJKE DINGER VEUR CULTUUR, KUNST, MEDIA, SPORT:

• Der mot een plan kommen um de hunebedden, de celtic fields en de grafheuvels in Drenthe as monument te bescharmen en as biezundere plaots herkenbaor te maoken.

• Het Drents Museum, het Hunebedmuseum, Herinneringscentrum Kamp Westerbork en het Huus van de Taol verdient de steun van de provincie.

• De kunst- en cultuurcentrums die subsidie van de provincie kriegt, moet körting geven an lu die eenmuseumjaorkaort of een aandere körtingskaort hebt.

• In Drenthe is ruumte veur festivals en concerten waor een boel volk op ofkomt; der moet wal dudelijke ofspraoken maokt worden um de overlast klein te holden.

• Der mot in Drenthe meer andacht geven worden an het zogenuumde klimaat veur kunst. De provincie döt zien best um bibliotheken, meziekschoelen en kunsteducatie op (basis)schoelen overèende te holden.

• RTV Drenthe kan bezunigen deur met aandere regionaole umroepen saomen te warken. De kwaliteit van de programma’s mag daor niet under lieden.

De provincie Drenthe warkt met an topsport-evenementen, maor gef daor niet al te veul geld an oet.