Drenthe

Veurof 
1. Bestuur 
2. Wonen warken en leren 
3. Landbouw, natuur, milieu en energie 
4. Verkeer en vervoer 
5. Cultuur, kunst, media en sport 
6. Zörg en welzijn 
7. In 't kort

De SP is der veur dat de Ecologische Hoofd Structuur (EHS) der komt. Daorbij bint natuurparken niet allén belangriek veur de natuur, maor ok veur de recreatie. Drenthe is echt een grune provincie en dat mot ok zo blieven. 

Wij moet oes verzetten tegen dinger die dizze ontwikkeling bedreigt, zoas voelnisverbranders in Wiester of bij Coevern of vervoelende industrie.
Landbouw mot zo dier- en milieuvrundelijk meugelijk weden. De boer is niet allén voedselleverancier, maor ok beheerder van het landschap. Maor wij moet er wal veur oppassen dat de regels niet al te bureaucratisch wordt.

BELANGRIEKE PUNTEN VEUR LANDBOUW, NATUUR, MILIEU EN ENERGIE:

• Gien opslag van radioactief ofval in Drèentse zoltkoepels.

• CO2-opslag in de lege gasvelden is net as waoter naor de zee draogen. CCS (de opslag van CO2) kost 25% extra fossiele energie. Energiebedrieven gebroekt de techniek as reden um extra kolencentrales te bouwen, maor die techniek is nog hielemaol niet op commerciële basis beschikbaar.

• In Drenthe is hiel wat met asbest warkt. Het is neudig dat dit kankerverwekkende spul vorthaold wordt. Daorbij bint de olde asbestdaoken het miest dringend. De provincie giet der meer achterheer um asbest op te (laoten) rumen. Het plan ‘Zon voor Asbest’*  wordt nei leven inblaozen.

• Um de schrikbaorende achteroetgang van hetbijenbestand tegen te gaon, blieft de regelingen veur bloemriek gruunlaand bestaon.

• De provincie giet de biologische landbouwanfietern. De veul te wiedgaonde industrialisaotsie van de landbouw met schaolvergroting zunder èende en oetwassen as megastallen wil wij niet. Der mot minder bio-industrie kommen. Drenthe wordt een provincie met diervrundelijke veeholderij.

• De EHS* mot angeven wat veur soort landbouw der bij kwetsbaore natuur daon worden mag. Zo krieg wij natuurlijke open gebieden, waor natuur en landbouw merakel akkedeert.

• Wij griept oeze energieveurziening terug! Daorum steun wij gemientes die allén of mandielig een duurzaam gemientelijk of regionaol energiebedrief opzetten wilt. En as der burgers bint die met behulp van zun- en/of windenergie meer elektriciteit opwekt as dat ze zölf neudig hebt, dan kriegt ze een redelijke pries per kWh energie die ze teruglevert an het energienet.

• De provincie pitjert duurzaome energie an.

• In Drenthe is het op paartie plaotsen nog echt duuster. De provincie döt zien best umlochtvervoeling te mindern.

*EHS: Ecologische hoofdstructuur.
*Zon voor Asbest: Asbestdaoken van boerenschuren derof en zunnepanelen derop.